Tuesday, April 28, 2009

Simbuyo

Lilikom ako ng lakas
hihinga nang malalim
dadamhin ang hanging sasadsad 
sa aking baga't lalamunan

ipipikit ang aking mata
upang hindi mo masilayan
ang pananghoy ng aking kaluluwa

ikukuyom ang aking palad
sa pagkakataong ito
itatayo ko muna ang aking toreng garing

matapos
pipilitin kong buksan ang aking labi
pupunitin hindi lang ang nanuyong lama't laway
gayundin ang tarangkahan
ng damdaming nais kumawala

ngunit 
nalunod ang mga salita
ng ideyang kinadena ng iilan
ng ideyang hindi tanggap ng karamihan
ng idyeang kinahon ng lipunan

Muli, lilikom ako ng lakas
lakas na tutunggali
sa alimpuyo't hagupit
ng pait ng paghihintay





No comments:

Post a Comment